Brazil Parliament-in Sorkar sum hman tihtlemna tur bill pass

Brazil parliament lower house, House of Representative chuan kum 20 chhunga sorkar sum hman titlemna tur, constitutional amendment bill a pass.

Bill hi kar hnih kalta khan a ṭum khatna atan vote lak a ni tawh a, hemi ṭum hian a thlawp lamah member 366 in vote thlakin, a duh lo lamah vote 111 a tla. A ṭum hnihna atana vote lakah hian sorkar sum hman tihtlem duh hi 359 awmin, a duh lo member 116 an ni. Amendment bill hi Senate pawmpui tura thawn a nih hmain, rawtna siam parukahte vote lak a la ni leh ang. December thla lailawl hian Senate-ah thawn hman tum a ni a, a taka hman a nih theih nan Senate member hmun nga-a ṭhena hmun thumin an pawm ve leh a ngai dawn a ni.

Bill thlawptu lam chuan an ramin sum lama a tlakchhiatna tur venna atan a pawimawh niin an sawi a, mahse a duh lotu lam chuan bill hi pass a nih chuan kum 20 chhung public educaton leh healthcare lama investment chu a hniam phah dawn a, hei hian nghawng ṭha lo tak a nei dawn a ni, an ti.