Typhoon Haima vangin Dollar mtd 700 hu hloh

China province pa-thuma thlipui, Typhoon Haima tleh vangin dollar maktaduai 700 hu hloh a nih thu thuneitute chuan an sawi.

Ministry of Civil Affairs chuan thlipui tleh vang hian chhungkaw 114,000 sawnchhuah a ni a, in 3,200 a chhia niin a sawi. Thlai chinna ram hectare 239,500-a zau a chhe bawk. Typhoo Haima hian October 21 khan Guandong province a thleng a, Jiangsu leh Fujian province-ahte a tleh zui bawk. Thlipui tleh hian Guangdong-ah chhiatna a thlen nasa ber a, mi 95,000 chu himna zawngin an inthiar sawn a, mi 62,000 te chu chhawmdawl ngaiin an la awm mek a ni.