ICC chhuahsan duh an pung zel

South Africa leh Burundi ramten Inter-national Criminal Court (ICC) chhuahsan an tum thu an sawi hnuah, Africa ram dang Gambia pawhin ICC aṭanga inlakchhuah a tum thu a sawi ve leh.

ICC hi khawvela pawi-khawihna thleng lian tham ngaihtuahtu atan din a ni a, mahse Africa ramte chuan court hian Africa ram a enhrang a, ram hruaitu thubuai a siamsak tawh pawh Africa ram mite vek an ni tiin an lungawi lo hle.

Gambia Information Minister Sheriff Bojang chuan ICC chuan khaw-thlang ramten pawi-khawihna an thlente chu a haider sak niin a sawi a, Iraq indona thlen chungchangah pawh Britain Prime Minister hlui Tony Blair pawh thubuai a siamsak duh lo a ni, a ti. ICC chu mihang, a bikin Africa mite hremna leh dinhmun zahthlak taka dahna tura siam a ni, a ti.