Vatican-in vap semdarh leh thehdarh phal tawh dawn lo

Vatican chuan Catholic mi, an ruang hal ralte vap chu an chhungten an insem darh emaw, an thehdarh emaw a remti tawh dawn lo.

Inkaihhruai thar a tihchhuahah, Vatican department of doctrine chuan mitthi halralte vap chu thlanmualah emaw, hmun thianghlim dangah emaw dahṭhat an ni tur a ni, a ti. Vatican hian kum 1963 khan mitthi ruang halral hi phalsak mah se, Roman Catholic Kohhran chuan mitthi inphum chu a la thlang zawk reng tih a sawi. Congregation for the Doctrine of the Faith chuan, "Mitthi vap chu boruak, khawmual leh tuipuiah te thehdarh phal a ni lo a, hriatrengna atana ti a tlereuh leh hmanraw danga dah pawh a remti lo a ni", a ti. Catholic zingah an ruang halral duhte chu Kristiante invui dan pangngai anga vui an ni dawn lo tih a sawi bawk.