Central Asia-a Lenin lim sang ber la thla

Central Asia-a Soviet Union hruaitu Vladimir Lenin lim sang ber nia sawi, Kyrgyzstan ram ami chu kar liam ta khan lak thlak a ni.

He lim hi meter 23-a sang niin, Kyrgyzstan khawpui lian pahnihna, Osh khawpuiah hian kum 50 a ding tawh a ni. Soviet Union hnuaia Kyrgyzstan a awm laia siam a ni.

Lenin lim lak thlak tak hi khawpui landan te siamṭhatna tura an tih niin, hmun dangah dah a ni dawn niin Oslo khawpui thuneitute chuan an sawi. A lim awmna hmunah hian flag an zar dawn nia sawi a ni bawk. Lim sawn a nih chungchang hi politics nena sawi pawlh lo turin an ngen nghal bawk. He lim hi Russia rama St Petersburg emaw Belgorod emaw hmunah dah a ni dawn nia sawi thawm a awm bawk.

Kyrgyzstan hi kum zabi 19 hunlai khan Russian Empire-ah lak luh niin, 1917 Bolshevil revolution thlen hnuah Soviet Union-ah awm tel bawk. Kum 1991-a Soviet Union a tlukchhiat khan independence an ni zui a ni.

Hetih lai hian Russia chuan kar liam ta mai khan Moscow rama subway station lun ber hmun pakhatah Soviet dictator Josef Stalin lim a hawng thar ve thung.