Khawvel Lawrkhawm

Italy-ah magnitude 5.4 leh 6.1-a nain lir a nghing

Central Italy-ah Nilaini zan khan magnitude 5.4-a nain lir an ghing a, a hnu reiloteah magnitude 6.1-a nain a nghing leh.

Lirnghin ṭanna hi Visso a ni a, in eng emaw zat a sawi chhia a, mi pahnihin hliam an tuar. In chhe zingah hian biak in hlui te pawh a tel a ni. Kumin August 24 khan central Italy-a lirghing na tak avangin mi 300 dawn an lo thi tawh a ni. Nilaini zan lirnghing hmasa zawk hi zan dar 7:10 vela thleng a ni a, a ṭum hnihna hi zan dar 9:18 ah a nghing leh a ni. Lirnghing hi Italy khawpui, Rome-ah pawh an hria a, mahse thil tihchhiat erawh a nei lo nia sawi a ni.

 -ah Donald Trump tan kawng zawh

Israel-a Jerusalem-ah US Republican president candidate, Donald Trump-a thlawptuten Nilaini khan kawng an zawh.

Donald Trump hian US president atana thlan tlin a nih chuan Jerusalem chu Israel khawpuiah a pawm tur thu leh, Israel nen inzawmna nghet leh ṭha an neih chhunzawm zel tur thu a sawi. Jerusalem-a kawngzawhte hi evangelical Kristian, Israel-American te bakah Trump-a staff te an ni. Republican Overseas Israel chuan Israel ram hmun hrang hrang leh Palestinian ram a luah, West Bank-ahte office an siam a, presidential campaign-in hetiang hi a siamna hmasa ber a ni. Chairman Marc Zell chuan Israel leh US bakah ramdang mite hnenah Republican party an thlawpna lantir chu thil pawimawh tak a ni, a ti.

Trump leh Clinton inthlauhna tlem zel

US President thlan hun a hnai zel a, Democratic party candidate Hillary Clinton leh Republican party candidate Donald Trump-te inthlauhna a tlem zel a, mipui ngaihdan lak hnuhnung berah Clinton-i hmahruaina hi point 5 a ni tawh.

RealCelarPolitics in rampum hupa Candidate pahnihten presidential debate an neih hma khan Trump hian point 2 chauhin Clinton-i hi a pha lo a, mahse debate neih hnu hian point 8 chuangin a thlau chho a ni. Candidate pahnihte hi state hrang hrangah ngawrh takin an campaign mek zel a ni. US President hi November 8 hian thlan a ni dawn a ni.