China President hnenah Dinhmun sang zawk pe

China-a rorellai, Communist Party of China (CPC) chuan an ram President Xi Jinping chu dinhmun sang zawk, an party hotu lu ber core leader nihna a pe. He dinhmun hi party dintu, Chairman Mao Zedong-a nihna nena intluk a ni.

Ningania Beijing-a CPC meeting neihah, Xi Jinping chu member zawng zawngten core leader nihna pek hi an remti a ni. Meeting-ah hian party senior official 370 an tel.

Kum 63 mi, President Xi hi CPC general secretary a nih bakah, an ram sipai hotu lu ber a ni bawk. Kum 2012, November thlaa President atana lakluh a nih aṭang khan Xi hi Moa hnua China rama hruaitu thilti thei ber nia sawi a ni a, CPC thuneitu sang Standing Committee pawimawhna pawh a nep phah nia sawi a ni.

CPC hian kum sawm≠thum chuang zet chu party chhungah mimal kutah thuneihna pumhlum dah loin, collective leadership system a kalpui a ni. Thuneihna sang ber pe tur hian member pasarih awmna, Standing Committee hi din a ni. Committee member-te hian sorkar inrelbawlna kawnga pawimawh hrang hrangte an enpui a, Premier Li Kiang chungah pawh thuneihna an nei.

Mahse Beijing-a ni li awh, CPC meeting chuan party kalphung hi ngaihtuahin, an party kaihruai tura Moa anga chak leh thilithei, mi mal kuta party hotu lu ber nihna pek hi an rel ta a ni.