Myanmar ramah Zika virus hmu

Myanmar ramah nimin khan ramdang mi, nu naupai lai chu Zika virus a vei tih hmuhchhuah a ni a, Myannmar rama he hri vei hmuhchhuah hmasa ber a ni.

World Health Organization chuan tun thla tir lam kah Zika virus hi Asia ramah a darh a rinawm thu a lo sawi tawh. Zika virus hi khawvel ram hrang hrang 70-ah hmuh a ni tawh a, heng zingah hian Asia Paficic biala ram 19 an tel.

Global New Light of Myanmar chuan laboratory test neih hnuah, ramdang mi, kum 32 hian Zika virus hi a vei tih fiah a nih thu a sawi a, Yangon-a awm a nih thu a tarlang bawk. Health and Sports Ministry chuan an rama Zika vei hmuhchhuah hmasa ber a nih thu a sawi a, Myanmar rama cheng nge khualzin tih erawh sawilan a ni lo.

Zika virus vei tam zawk hian an la na vak lo a, khawsik, mit na leh thakte a thlen a ni, a damdawi emaw, vaccine emaw a la awm lo. Nu, naupai laiin an vei chuan a naupai-ah nghawng
ṭha lo tak a thlen thei a, pianphunga rualban lo, mi pangngai aia lu leh thluak te zawk a thlen thei a ni.

Singapore-ah chuan Ziak virus vei hi 400 vel hmuh a ni tawh a, Thailand ramah pawh Zika virus-in a thlen, nausen piangphung dik loa hrin pahnih an awm tawh bawk.