Cambodia building chimah mi 36 thi

Cambodia prime minister Samdech Techo Hun Sen chuan nimin khan Cambodia Kep province-a Zirtawpni liam taa building chima thi zat chu mi 36 an tling tawh tih leh chhanchhuah hna an thawh mek pawh chu an chawlhsan tawh dawn tih a sawi.

Kep province-ah hian Zirtawpni khan building chhawng ruk a chim a ni. Samdech Techo Hun Sen chuan thi zinga 14 hi hmeichhia an ni tih a sawi a, mi 23 an hliam bawk tih leh heng zinga pariat hi hmeichhia an ni tih a sawi bawk.

Thi leh hliam zawng zawng hi Cambodia mi vek an ni a, thi tam ber hi contractor leh insatute bakah an chhungte an ni tlangpui. Building hi an ram huna tlai dar 4:30 velah a chim a, in satuten a chhawng sarihnaa concrete an chhun laiin a chim a ni.

Hun Sen chuan an chhui chian tawh thu sawiin, contractor-in tihsual a neih avanga chim a nih thu a sawi a, contractor hi thi zingah hian a tel nghe nghe. Thi chhungte chhungte leh hliamte chu a tawrhpui thu sawiin, zángnadawmna pek an nih dawn thu a sawi.