Duterte-a'n hun tam zawk an mamawh thu a sawi

Philippines President Rodrigo Duterte chuan an rama ruihhlo laka indo an puan mek hlawhtling tur chuan thla ruk hun an la mamawh belh dawn tih a sawi.

President Duterte chuan an ramin ruihhlo avanga harsatna a tawh chu a rin phak bak a ni tih a sawi a, ruihhlo tirem tura beihpui an thlak mekah hun an la duh tur chu a sawi. June 30-a President atana lakluh a nih khan, Duterte hian an ram chhunga dan loa ruihhloa sumdawnna chu thla ruk chhunga tihrem a lo tiam tawh a ni.

Mahse Pathianni-a thu a sawiah, Duterte chuan theihtawp chhuah mah se, thla ruk chhungin an hna chu an thawk zo hman lo tih a ṭum khatna atan a sawichhuak a ni. Philippines police-te chuan thla hnih chuang chhungin ruihhlo zuarte laka beihpui an thlakah mi 3,000 dawn tihhlum an ni tawh tih an sawi a, ruihhlo zuar leh ti ṭhin mi 17,528 an man tawh bawk.

Police-te'n beihpui an thlak hnu hian ruihhlo hlo zuar leh hmangsual ṭhin mi 700,000 chuang chu sorkar kutah an inpe tawh a ni.