Calais camp ṭhiah hnuah Paris-ah puan ina khawsa an pung

France sorkarin Calais-a refugee camp a ṭhiah hnuah, Paris khawpuiah puan in kaiha khawsa ratlan an pung nasa hle.

Calais camp-a khawsa raltlan mi 6,000 chuangte chu ram≠chhunga reception centre hrang hrangah sawndarh an ni. Mahse Calais camp-a khawsa ṭhenkhat chu Paris-ah hian an awm zui a ni.

Paris deputy myor Colombe Brossel-i chuan Paris khawpui hmarchhak lama puan-in kaih a khawsa chu kar kalta aṭang khan an pung a, a hmaa 1,500 vel awm chu 2,000-2,500 an tling tawh niin a sawi. Heng mite hi Calais camp-a awm ṭhin leh, hmun danga aṭanga rawn lutte an ni tih a sawi.

Brossel-i chuan puan-ina awm≠te chu khawpui chhung thuneitute ni loin, France sorkar≠in a ngaihtuah tur a ni tih sawiin, awmna hmun ngaihtuah sak an ngai a ni, a ti. Paris khawpuiah hian reception centre pahnih hawn a ni dawn a, mahse heng hmunah hian khum 1,000 bak a awm thei dawn lo a ni.