Venezuela sorkar leh eptu aiawhte inbia

Venezuela sorkar leh eptu pawl aiawhte chu an ram politics buaina chinfel dan kawng zawngin Pathian≠ni aṭang khan an inbe ṭan ta.

Venezuela khawpui, Caracas khawthlang lama museum-ah Pathianni zan khan inbiakna hi neih ṭan a ni a, palai hna thawktu Vatican aiawh bakah Spain, Panama leh Dominican Republic president hluite an tel bawk.

Hetih lai hian party 15 awmna, Democratic Unity chuan inbiakna hi an boycott a, sorkarin eptu member a man eng emaw zat chu a chhuah zalen phawt loh chuan inbiaknaa tel ve an tum loh thu an sawi.

Kar kalta khan eptute chuan President Nicolas Maduro leh a kaihhruai sorkar bang tura phutin kawng an zawh a, Ningani hian presidential palace panin kawng zawh leh an tum bawk. Kum 2002-a President Hugo Chavez paihthlak a nih aṭang khan sorkar dodaltute chu presidential palace hnaihah hian kal phalsak an ni lo.

Eptute hian President paihthlak a nih theihna tura mipuite vote lak phutin, signature petition thehluh an tum a, hemi atan hian mi maktaduai 1.8 signature an lakhawm tawh a, electoral thuneitute chuan signature nuai li chin lakkhawm an pawm a ni.