Khawvel Lawrkhawm

Canada-in pemlut lak theih zat tur a puang

Canada sorkar chuan kum 2017-ah an ramah ramdang aṭanga pem lut, mi nuai thum a lakluh tur thu a sawi.

Minister of Immigration, Refugees and Citizenship, John McCallum chuan Thawhṭanni-a Parliament inkhawmah immigration proposal hi a pharh a, an ram sum dinhmunte uluk taka ngaihtuah chungin pem lut an lak luh theih zat tur hi an duang tih a sawi. Canada hian kum 2011 aṭanga 2015-a pem lut a lakluh theih tura a bithliah hi nuai 2.6 a ni a, mahse kuminah chuan nuai thum an chuang a, hei hi Syria tualchhung buaina avanga raltlan an pun tak vang niin McCallum chuan a sawi.

Spain PM atan Rajoy la lut

Spain conservative party, Popular Party (PP) hruaitu Mariano Rajoy chu a term hnihna chelh turin Thawh-
ṭanni khan Spain prime minister atan rinawmna thu tiam tira lak luh a ni. PM laluh inkhawmah hian Spain lal, King Felipe VI pawh a tel a ni.

PM thar lakluh inkhawm hi rampum≠ah mipuiten an hmuh theihna turin TV-ah live-a tihchhuah a ni. Rajoy hian ni thum chhungin a cabinet member turte a ruat ang. PP hian MP 250 zingah member 137 chauh neiin, majority a nei pha lo a, hei vang hian party dang thawhpui a ngai dawn a ni.

Bangladesh-ah Hindu temple suasam

Bangladesh rama Chittagon bialah Hindu temple 15 suasam a ni a, hei bakah hian Hindu chenna in 100 chuang zet rawk a ni bawk.

Facebook-ah Islam zah lohna lam hawi thuziak tarlan a nih avangin mipui lungawi lote chuan Pathianni khan Brahmanbaria district-a Nasirnagar bialah kawng an zawh a, Mecca-a Masjid al Haram sawichhiatna thu, Facebook-a ziaktu chu hremna na tak pek an phut thu an sawi. Mipui thinrimten Hindu temple an suasam vang hian dan leh thupek kengkawh turin police leh security force ṭhahnem tak tirh luh an ni a, Boarder Guard Bangladesh-te chu duty chhunzawm tir an ni.