Mosul-a tangkhang zingah naupang nuai ruk an tel

Islamic State (IS) firfiak kuta awm mek, Iraq-a Mosul khuaa civil mi tangkhang, mi maktaduai 1.5 zingah naupang nuai ruk vel an awm tel niin Save The Children chuan a sawi.

Iraq sipaite chuan IS firfiakte kut aṭanga Mosul khua lak let tum hian beihpui an thlak mek a, kar hnih beihpui an thlak hnuah Thawhlehni khan Mosul khua hi an lut ṭan tawh niin an sawi. Iraq ram khawpui lian pahnihna, Mosul hi kum 2014, June thla khan firfiakte hian Iraq sipaite kut aṭangin an la a ni. Save the Children Iraq director Maurizio Crivellaro chuan indona hmun
aṭanga naupangte him taka lak≠chhuah an nih theih nan theih≠tawp chhuah a ngai tih a sawi. Mosul khuaa civil mi tang hi mi maktaduai khat chuang zet nia chhut a ni a, mahse firfiakte hian kum hnih zet khawpui hi an thunun tawh avangin a zat dik tak hi hriatchian a har tawh hle.