SKorea President-in a cabinet siksawi

Eptu pawlten bang tura an nawr mek, South Korea President Park Gyen-hye-i chuan nimin khan a cabinet a siksawi a, prime minister leh finance minister thar a ruat.

President Park-i hian sorkar inrelbawlna leh thutlukna siamnaah te, policy siamnaah leh a thusawi tur thlengin sorkara nihna pawimawh nei lo, a ṭhian-
ṭha tak Choi Soon-sil-i a inrawlh tir avangin dem a hlawh hle, a thiltih avang hian President
aṭanga bang tura phutin eptute chuan kawng pawh an lo zawh tawh a ni.

Thawhṭanni khan police-te chuan sorkar thila inrawlha puhin Choi-i hi an lo hreng tawh a ni. Choi-i hian president nena an inṭhianṭhatna chu a foundation enkawl tana sum lakluhna remchangah a hmang a, sorkar sum pawh a tichingpen nia puh a ni. He thila inhnamhnawiha puh bank pariatte chu dap an ni tawh bawk.

Park-i chuan Prime Minister Hwang Kyo-a thlakin, a aiawh turin senior presidential secretary Kim Byong-joon a dah a, Finance Services Commission chairman ni lai Yim Jong-yong chu finance minister leh deputy prime minister atan a dah a, Yoo Il-ho a thlak a ni. Anni bakah hian public safety and security minister thar dah a ni bawk.