Vietnam bar-a kangmei chhuakah mi 13 an thi

Vietnam khawpui, Hanoi-a karaoke bar-a kangmei chhuakah mi 13 an thi.

Hanoi-a Cau Giay district-a karaoke bar, chhawng riata sang chu Thawhlehni tlai khan a kang a, darkar nga hnuah an ṭhelh mit theih chauh a ni. Kangmei ṭhelhnaah hian police officer pahnihin hliam an tuar.

Guard chuan kangmei hi dawr-a sign board tar aṭanga chhuak a nih thu a sawi a, staff-te chuan ṭhelh an tum a, mahse an ṭhelh thei lo niin a sawi. Bar-a kangmei chhuak hian bula in pathum a man kai a, car leh bike-te a kang tel bawk.

Prime Minister Nguyen Xyan Phuc chuan kangmeichhuah dan hi chhui chiang turin police-te a hriattir nghal a, dan dik loa thilti chu hrem ngei an ni tur thu a sawi. PM chuan tual≠chhung thuneitute hnenah karao≠ke bar leh restaurant-ahte fire safety rules an zawm em tih enfiah vek turin a hrilh nghal bawk a ni.