UNESCO chuan corona­virus leng vanga khawvel ram hrang hranga zirna in khar chuan zirlai naupang vaibelchhe 154 chuang a nghawng tih sawiin, hei hi zirlai zingah hmeichhiate an tuar nasa bik a, zirna chawlhsan phah pawh an pung phah ngei dawn tih a sawi. 

UNESCO assistant director-general for education, Stefania Giannini chuan Covid-19 vanga zirna in khar chuan zirlai hmeichhe tleirawlte a nghawng pawi zual a, hei hian zirna lamah gender gap a siam phah nasa dawn a ni, a ti. 

"Khawvel puma zirna ina zirlai inziaklut zinga 89% chuang chu Covid-19 vang hian zirna chhunzawm thei loin an awm mek a ni. Heng zirlaite hi vaibelchhe 154 chuang niin, an zinga vaibelchhe 74 dawn chu hmeichhia a ni. Hmeichhe zirlai vaibelchhe 11 chuang hi ram rethei zawka cheng an ni a, an tan zirna chhunzawm leh hi thil harsa tak a ni dawn a ni," tiin Giannini chuan a sawi.