Missouri state-in Covid-19 vangin China sorkar khing

United States (US)-a Missouri state chuan Covid-19 leng vangin China sorkar a khing. 

Federal court-a thubuai a thehluhah, China chu hri leng chungchanga thu dik tawk lo sawi leh, a hri darh tur venna kawnga hma la ṭha tawk loah an puh a ni. "China sorkar chuan khawvel hnenah Covid-19 hlauh­awm dan leh a darh theih dan chungchangah dawt a hrilh a ni. Hri darh tur venna atan hma a la ṭha tawk lo a, hei vang hian mawhphurh -tir an ni ngei tur a ni," tiin Missouri attorney general Eric Schmitt chuan a sawi. 

Hri leng avang leh a dona atana an hmalaknaah Missouri state chuan dollar tluklehdingawn tel a seng dawn tih sawiin, an state-a chhiatna a thlen man pe turin China chu an phut a ni.