Suu Kyi piancham lawmpuina video 80,000 lak khawm tum

Myanmar hruaitu, jail-a tang mek Aung San Suu Kyi chu vawiin, June 19 hian kum 80 a tling dawn a, activist-te chuan a piancham lawmpuina video 80,000 lak khawm an tum.

He hmalakna hi 'Suu 89 Birthday Campaign' tih vuahin Myanmar mi, ram chhung leh ram pawna awmte chu Suu Kyi piancham lawmpuina video clip, second 30 aia thui lo siam a, https://www.aid2burma.com/bdca... a upload turin an ngen. Video upload-te hi dah ṭha velin, jail aṭanga chhuah a nih hnuah amah pek an tum tih an sawi. Video upload-ah hian 'Happy Birthday' leh 'Suu' tih thu dah tel turin a ngen bawk. Mi pakhatin video hi pakhat chauh an dah thei ang. Suu Kyi-i fapa, Kim Aris pawhin a Facebook-ah a nu piancham lawmpuina hi siam turin a ngen hlawm a ni.

Kum 2021-a Myanmar sipaiten civil sorkar thuneihna an hnehchhuh hnuah Suu Kyi man nghalin, tun thlengin jail-ah a la tang a ni. Thubuai pawh eng emaw zat siamsak a ni a, a thubuai ṭhenkhatah chuan thiam loh chantir a ni tawh bawk.