EU ambassador-ten EU-UK trade deal pawm

European Union member ram 27-te chuan EU-UK post-Brexit trade deal siam chu lungrual takin an pawm. 

UK Parliament pawhin Nilainiah he deal hi ngaihtuahin a pawm ve leh rin a ni a, an pawm fel theih chuan January 1-ah law-ah changin, hman ṭan nghal a ni ang. 

EU aṭanga UK a chhuah hnuah insumdawnna kawnga inremna siamna tur hi an buaipui nghal a, thla kua zet inbiakna ṭum eng emaw zat an neih  hnuah, Brexit transition period tawp dawn hnaihah inremna hi an siam thei ta chauh a ni. Inremna siam a nih hnuah EU member ramte chuan EU-UK Trade and Co-operation Agreement hi ni thum chhung an zirchiang a, an pawm ta a ni. 

UK hian kum 2016 khan EU chhuahsan a lo rel fel tawh a, mahse kum 2020, January 31-ah a chhuahsan fel chauh a ni. Hemi hnu hian EU leh UK te insumdawnna kawnga thawhdunna tur siam turin hruaitute chuan hma an la zui a, kumin chhunga tihfel turin hun ruat a ni. An hun tiam ral dawn hnaih takah inremna hi an siam thei ta hram a ni.