South Sudan aṭangin Kenya-in a sipaite la chhuak dawn

Kenya sorkar chuan South Sudan-a UN Mission hnuaia sipai a tirh luhte chu a la≠chhuak dawn tih a sawi.

UN-in sipai a dahte hi civil mite venghim zo loah puh an nih avangin UN Secretary General Ban Ki-moon chuan US force-a Kenya commander Lieutenant General Johnson Mogoa Kimani Ondieki chu a lo ban tawh a ni.

South Sudan ramah hian UN Mission hnuaiah Kenya sipai 1,000 chuang dah mek an ni a, mahse heng sipaite hi dah chhunzawm zel ṭula an hriat loh avangin a rang thei anga bera lakchhuah an tum thu an sawi. South Sudan tualchhung inbeihna thleng≠a civil mite thihna thleng chung≠changah Ondieki chu mawhphurtua puh tur a ni lo, a ti.

Thawhlehni khan special UN investigation report tihchhuah chuan, kumin July thlaa South Sudan khawpui Juba khuaa inbeihna thlengah UN sipaite chuan buaina chingfel tur leh, mipuite venhim tur hna an thawk ṭha tawk lo a, sipai Ondieki chu hruaitu nihna chelh zo loah puh a ni. Report hian UN sipaite chu Terrain Hotel-a chhawmdawl hna thawktu beih tawkten ṭanpui tura an ngenna pawh chhan ngam lohah a puh bawk.

July 8-11 chhunga Juba-a inbeihna thleng vang hian mi tam tak an thi a, ramdang mi chhawmdawl hna thawka awmten pawngsual an tawk bawk a ni.