Iran hotu Khamenei-a'n amah thlak thei tur ruat

Iran ram hotu lu ber, Supreme leader Ayatollah Ali Khamenei chuan Israel nena an indo mek karah, thah a nih pawha amah thlak thei tur mi pathum a ruat. Hei bakah an sipai hotute pawh Israel beihpui thlaknaa an lo thi a nih pawha a thlaktu turte pawh a ruat lawk bawk. Israel-in Iran-a beihpui a thlak hnuah Khamenei hi a chhungte nen bunker-ah an biru mek a ni. Kum 86 mi ni tawhin, inbeihna thleng mekah Israel emaw, US emaw chuan thah tumin an la veh ngei dawn niin a ngai a ni. Hei vang hian a lo thi a nih pawha amah thlak thei tur mi pathum hi a ruat lawk a, heng mite hming hi Surpeme Leader thlangtu, Assembly of Experts hnenah a hriattir tawh.