Greece-a ram kang vangin mi tam tak sawn chhuak

Greece-a Chios island-ah nimin khan a ni hnihna atan ram nasa takin a kang chhunzawm leh a, mi tam tak chu hmun him lamah sawn chhuah an ni.

Ram kang ṭhelh hna hi kangṭhelhtu 190 velin an thawk a, helicopter 10 leh thlawhtheihna pahnih hmangin ṭhelh a ni bawk. Mahse thli a tleh tel vangin kangmei chhuak hi an la thunun hlei thei lo niin an sawi.

Chios hi Aegean khawchhak lama awm niin, fei tur siamna hrang hranga resin hman ṭhin, mastiha siam chhuahna hmunpui a ni. Kum 2016 khan he thliarkarah hian kangmei nasa tak a lo chhuak tawh bawk a, ram hectare 3,500 chuanga zau kangin mastic kung an phun zinga 90% vel a kang chhia a ni.

Greece rama thliarkar hrang hrangah hian nipui laiin ram kang hi a thleng fo a, official-te chuan sik leh sa inthlak danglam nasat avangin ram kang hi a thleng ngun zual tawh niina n sawi. Kum 2018 khan Mati-ah ram kang nasa tak avangin mi 100 chuangin nunna an lo chan tawh a ni.