Thla 8-10 hnuah SKorea-ah THAAD system dah dawn

South Korea-a US force commander Vincent Brooks chuan South Korea-a US Terminal High Altitude Area Defense (THAAD) anti-missile system battery an dah tur chu thla 8-10 chhungin dah fel hman an tum tih an sawi.

Vincent Brooks chuan Korean peninsula-a THAAD system battery an dah tur hi Guam rama an dah aiin a lian zawk dawn tih a sawi bawk.

US leh SKorea chuan NKorea vauna leh beihna thleng thei laka invenna atan THAAD system hi Korea ram pahnihte inrina bul, South Korea lamah dan an tum a, hei hi NKorea chuan nasa takin a lo sawisel tawh a ni. He system-a radar chak tak hian China ram chin pawh a hmuh theih avangin China chu a thinur hle.

Korea ram pahnihte inkar bo≠ruak hi kumin hian a ṭha lo hle a, NKorea ram hian nuclear test ṭum hnih a neih bakah ṭum eng emaw zat ballistic missile a lo enchhin tawh bawk.