Muslim-te’n Jakarta Governor duh lohna lantir tum

Indonesia khawpui, Jakarta Governor duh loana lantira Muslim-ten nawrh huaihawt an tum avangin venhimna tikhauh a ni a, venhim hna thawk turin security force 20,000 zet dah an ni.

Muslim tamna, Jakarta Governor Basuki Tjahja Purnama hi Kristian a ni a, Kristian zingah he dinhmun chelh thei hmasa ber a ni. Purnama hi ëAhokí tia hriat lar a ni a, kum 2017 Ferbuary thlaa governor thlan turah chuh leh a tum a ni.

September 28-a thu a sawia, Govenor Purnama hian amah beihna atan Muslim ho lehkhabu thianghlim, Quran-a Surah Almaidah 51-a chungchang hman chu thu dik lo leh dawt a nih thu a sawi. He changah hian Muslim sakhaw ringtute chu Juda leh Kristiante thawhpui lo tur, an rorelna hnuaia awm lo turin a ti a ni. Hei hi Muslim hoin an sawisel zui nasa hle a, Quran thuchang sawichhiah an puh zui a ni. Hei vang hian an sakhua zah lohah puhin, kum 2017 governor thlan hunah pawh vote lo turin mipuite an chah.

A thusawi avang hian Purnama chuan thupha chawi mah se, Islamic group chuan a lakah thubuai an thehlut a, police ten an chhui chiang mek a ni.