SAfrica President-in jail tan hlau lo

South Africa President Jacob Zuma chuan eirua puh a nih chungchangah tihsual a neih loh thu sawiin, jail tan pawh a hlau lo tih a sawi.

Kum 74 mi, Jacob Zuma hi sumdawng hausa tak takte nen inzawmna neiah puh a ni a, anti-corruption report chuan sorkar sum eiruah puhin a chung≠thu chhui chian a phut a ni. Mahse Zuma chuan an puhna chu thu dik lo a nih thu sawiin, thil tih dik lo a neih loh thu a sawi.

Anti-corruption report, phek 355 zeta chhah, State of Capture tia an vuahah chuan, Zuma hian an rama India mi sumdawng lian leh a ṭhian-
ṭha tak, Gupta chhungkua chu cabinet ruat thlengin a inrawlh tir niin a tarlang. Gupta chhungkua chuan hemi chung≠changah hian thuchhuah an la siam lo a, mahse a hmain tih dik lo engmah an neih loh thu an lo tarlang tawh a ni.

Rorel lai, African National Congress (ANC) hotu Zuma hi eiruah puh a lo ni fo tawh a, kar leh khian Parliament-ah fiah a ni ang. Kumin chhungin Parliament-ah ṭum hnih fiah a lo ni tawh a, fiahna hi a paltlang ve ve a ni.