Jail chhungah Philippines mayor kap hlum

Philippines police-te chuan Leyte province-a Albuera khaw mayor, Rolando Espinosa Sr chu Bayby city jail-a a tanna cella-ah an kap hlum.

Mayor Rolando Espinosa Sr hi ruihhlo hmanga sumdawnnaa inhnamhnawihah puh niin, man a ni. President Rodrigo Duterte-aín August thlaa sorkar official, ruihhlo hmanga sumdawnnaa inhnamhnawihte hming a puan zingah pawh a tel a ni. President-in rinhlelhte hming a puan hnu hian police kutah a inpe a, mahse reilote hnuah an chhuah leh nghal a ni. Thla hmasa khan ruih≠hlo leh silai kawlah puh niin, man a ni leh a ni.

Police-te chuan Espinosa hian tan-in chhungah silai a kawl niin an sawi a, dap an tum chu a lo kah avaning an kap hlum ta niin an sawi. Police-te hian kar hmasa khan mayor dang, Samsudin Dimaukom leh midang pakua-te chu an lo kap hlum tawh bawk.

June 30-a President Duterte-aín thuneihna a chan aṭanga an rama ruihhlo zuar leh ti ṭhinte laka beihpui thlaknaah, police-te chuan mi 3,600 chuang an tihlum tawh a ni. Philip≠pines sorkar chet dan hi ram dang leh pawl hrang hrangte chuan an sawisel nasa hle a, mahse Duterte chuan sawiseltute hi na takin a chhang let ṭhin a ni.