Khawvel Lawrkhawm

Israel-Palestinian buainaah inrawlh lo turin US ngen

Israel Prime Minister Benjamin Netanyahu chuan US President thlan thar tur chu, Israel leh Palestinian inkar buainaah a inrawlh loh a beisei thu a sawi.

Pathianni-a cabinet meeting-ah Netanyahu chuan Palestinian nena an buaina chu midang kaltlanga loa inbiakna an neih hmang chauha chinfel theih a nih thu a sawi a, US chuan a chinfel dan kawng a lo zawnpui loh an beisei tih a sawi. Israel-in buaina chinfel dan kawng a siam chu United Nations leh internationl organisation-ten a demna resolution an siam tur chu US chuan a lo dan a beisei tih a sawi bawk. Palesitinian hian ram hrang anga pawm a nih theihna turin hma a la mek a, UN General Assembly-ah member ram nih tumin a bei mek a ni.

Nawrh huaihawt vangin Indonesia President-in a zin tur ṭhulh

Indonesia President Joko Widodo chuan Australia rama zin a tum chu, an ram chhunga Muslim-teín Jakarta-a Kristian Governor duh lohna lantira nawrh an huaihawt avangin a ṭhulh.

Muslim-te chuan Jakarta-a Kristian Governor chu Islam sakhua sawichhiaah puhin bang turin an phut a, kar kalta Zirtawpni khan kawngzawh huaihawin buaina a chhuak zui. Buaina chhuakah hian mi pakhat thiin, mi dang 12 in hliam an tuar. Widodo hi Pathianni khan Australia-ah zin a tum a , nimin khan Australia Parliament-ah thu sawi tura tih a ni bawk. Mahse an ram chhunga buaina thleng vang hian a zin tur hi a ṭhulh ta a ni.

IS-in US-a Muslim te vote thlak lo turin ngen

Islamic State (IS) firfiak pawl chuan US-a Muslim-te chu US President thlannaah vote thlak lo turin a ngen a, Democratic leh Republican party-te chu Islam leh Muslim dodaltu ve ve an nih avangin danglamna an nei lo niin a tarlang.

IS hian he thu hi a pawl media center, Al Hayat-ah ëThe Murtadd Voteí tih thupuia hmangin an tarlang a, US-a inthlan neih tur chu tihbuaiin mipuite chu an beih dawn, an ballot box-te chu an tihchhiatsak tur thute an ziak bawk. Republican president candidate Donald Trump, Democratic vice president nominee Tim Kaine leh Democratic National Convention-a US Constitution copy keng langtu, Muslim mi, US sipai kahhlum tak pa, Khirzr Khan thlalakte an tarlang bawk.