China-in Hongkong MP pahnih lak luh remti lo

China sorkar chuan Hongkong MP atana thlan tlin pahnih, Hongkong independence thlawptute chu lak luh a remti lo.

MP pahnih, Baggio Leung leh Yau Wai-ching-te hian thla hmasa khan Legislative Council (Legco) member atana lak luh an nih dawnin, an thu tiam inziak tur an chhiar sual lui a, hei vang hian lak luh ṭhat leh a remti tawh lo tih sorkar thu≠chhuah chuan a tarlang.

Lakluh an nih dawna thutiam an chhamah, MP pahnih≠ten an thu chhiar tur chu a inziak anga chhiar loin, China laka an rinawmna tur thu tiam loin a sawiselna thu zawk an sawi tel a ni. National Peopleís Congress chuan MP-te hian rinawmna thu an tiam lai hian an ti tak tur a ni tiin, Basic Law of Honkong an zawm tur a ni, a ti.

Hongkong khawpui inrelbawlna kawnga China sorkar a inrawlh avangin Pathianni khan mi tam takin lungawi lohna an lantir a, buaina pawh a chhuak zui bawk. Khawpui chhunga financial district, Wan Chai district-ah mipui lungawi lo kawngzawh leh police-te innawr buaiin, police-te chuan mipui pungkhawmte hnawhdarh nan hian pepper spray an hmang a ni. Beijing Liaison Office-ah pawh mipui lungawi lo ṭhahnem tak an pungkhawm bawk.

Mipui pungkhawmte chuan Hongkong-in inrelbawlna kawnga thuneihna a neih chu China sorkar chuan tihchhiat sak a tum a ni tiin, independence thlawp lote pawhin China sorkar chet dan chu an dem tih an sawi.