Pawl 100-in Paris Agreement an zawm tawh

United Nations Framework Convention on Climate Change (UNFCCC) Executive Secretary, Patricia Espinosa chuan sik leh sa inthlak danglam chak siamṭha tura hmalakna tur, Paris Agreement siam chu pawl 100 in an zawm tih a sawi.

Pathianni-a press conference a neihah he thu hi Espinosa chuan a sawi. Nimin aṭang khan Morroco-a Marrakesh-ah UNFCC 22nd Conference of Parties (COP22) chu neih
ṭan a ni. November 15 hian Parties to the Paris Agreement (CMA1) meeting hmasa br chu neih a ni bawk ang.

Paris Agreement hi kum 2015, December thla khan siam a ni a, kumin October thla khan ram 96 in an pawm a, November 4 aṭang khan hman ṭan a ni.

Morocco-a COP22-ah hian mi 50,000 chuang an tel rin a ni a, an zingah hian ram hruaitu 30 chuang bakah, civil society member 30,000 vel an tel beisei a ni.