NKorea-in Wonsan tourist zone a hawng

North Korea chuan an ram khawchhak lama tourist zone a siam, Wonsan Kalma Coastal Tourist Zone chu a siam zo a, khualzin tlawh theih turin nimin khan an ram hruaitu, Kim Jong-un chuan a hawng.

Wonsan khawpui tuipui kama tourist zone siam hna hi kum eng emaw zat an thawk a, kum khatah khualzin 20,000 vel dawngsawng thei tura ruahman niin, sorkar chuan tourist zone lian tham dang pawh siam chhoh zel a tum.

Tourist zone hawn thar hi July 1 aṭangin an ram mite tan tlawh theih a ni dawn a, ram dang khualzinte tana an hawn hun tur erawh an la sawilang lo.

North Korea hian Covid-19 hri leng vangin kum 2020 aṭang khan a ramri te a khar vek a, kum 2023 aṭang khan khuahkhirhna siamte a hlip ṭan a ni. Khuahkhirhna a thlah dul hnuah Russia tourist group te chuan an ram khawpui, Pyongyan leh hmun dangte tlawh a phalsak a, mahse khualzin dangte tan erawh a la hawng zau lo thung. Kumin April thla khan marathon buatsaihin, hemi ṭum hian ram dang infiammite tel a phalsak a ni.