Japan-in kum 2017-a mi 9 thattu khai hlum

Japan Justice Ministry chuan nimin khan kum 2017-a Tokyo-a mi pakua that a, an ruang chansawmtu Takahiro Shiraishi chu Tokyo Detention House-ah khai hlum a nih thu a sawi.

Takahiro Shiraishi hi 'Twitter killer' tia sawi a ni ṭhin a, 2017 khan Tokyo bul, Zama khuaa a apartment bulah mi pakua, hmeichhia pariat leh mipa pakhat a that a ni. A mi thahte ruang hi chansawmin, a apartment-a cold-storage ah a dah a ni. A ruang dahṭhatte hi hmuh a nih hnuah kum 2017 khan man niin, kum 2020 khan thi tura a chungthu relsak a ni.

Shiraishi mi thah zinga a tam zawk hian an social media-ah intih hlum mai an duh thute an post a, heng mite hi Twitter kaltlanga be pawpin, intihlum tura a puih theih tur thute a hrilh a ni. Hmeichhia pariat a thahte hi a pawngsual hmasa vek bawk a, mipa pakhat a thah hi a hmeichhe thah pakhat bialpa niin, a thiltih a sawichhuah a hlauh vanga a thah a ni.

Japan hi khawvela mahni intihlum tamna zingah a tel a, hun eng emaw chen intihlum hi an tlakhniam hnuah kuminah an tam chho leh tawh a ni.