Thailand Court-in PM Paetongtarn Shinawatra a chawlh tir

Thailand Constitutional Court chuan an ram prime minister Paetongtarn Shinawatra chu Cambodia Senate president Hun Sen nena phone-a an inbiakna putru chhui a nih dawn vangin PM a nihna aṭangin a chawlh lailawk tir.

Consevative senator-te chuan PM Shinawatra hi ram kalphung bawhchhiaah puhin court-ah petition an theh lut a, nimin khan judge-ten ngaihtuahin, a chungthu chhui a nih theihna atana PM a nihna aṭanga chawlh tir chu judge pasarihin an thlawp a, a thlawp lo lamah vote hnih a tla thung. Court chuan Paetongtarn chu puh a nihna chungchanga chhanna pe turin ni 15 hun a pe ve bawk.

Paetongtarn Shinawatra hian a office phone aṭangin Cambodia hruaitu, Hun Sen hi biain May thlaa Thailand leh Cambodia ramri buaina an neih, Cambodia sipai pakhatin a thih phahna chungchang a sawpui a ni. An inbiaknaah ihan Thailand military official chu sawiselin, Hun Sen chu 'uncle' tiin a ko a, a duh ang thil chu tih sak a tum thute pawh a hrilh bawk. An inbiakna hi putruin, Thailand mipuite a ti thinur hle a, an PM chu phatsantu leh an ram hralhtu tia koin, bang turin an nawr bawk a ni.