Iran-in a airspace a hawng leh ta

Iran chuan Israel nen an indo avanga June 13 aṭanga a khar, a airspace chu Ningani, July 3 aṭang khan a hawng leh ṭan ta.

Official IRNA news agency chuan Tehran khawpuia Mehrabad leh Imam Khomeini international airport-te bakah an ram chhung hmun danga airport-te hawn vek niin, thlawhtheihna pawh service tir leh nghal an ni dawn tih a sawi. Isfahan leh Tabriz-a airport tih loh, ram chhung hmun danga airport hrang hrangah domestic leh international flight-te chu zing dar 5 leh zan dar 6 inkarah thlawh tir an ni.

June 13-a Israel-in Iran nuclear site hrang hrang a beih hnuah Iran chuan a airspace hi a khar nghal a, international flight bakah domestic flight thlengin a ti tawp nghal vek a ni. US hmalaknaa June 24-a Israel nena inkahhai an puan hnua, an ram khawchhak lam bial bikah chuan thlawhtheihna service hi a phalsak a, hemi hnuah ram pumah airport-te chu a hawng zui leh ta a ni.