Mipui hmuhah Iran Supreme Leader a in lan

Iran Supreme leader, Ayatollah Ali Khamenei chu Inrinni liam ta, July 5 khan ram mipuite hmuhah a in lan a, hei hi June 13-a Israel in an ram nuclear hmunte a beih hnuah mipui hmuha a in lan lehna hmasa ber a ni.

Israel leh Iran inbeih chhung khan kum 86 mi, Khameinei hi hmun him lamah biruin, a inlan ngai lo. June 24-a inkahhai an puan hnuah pawh a thuchahte chu tih chhuah ni mah se, amah tak erawh mipui hmuhah a in lan lo. Inrinni liam ta khan central Tehran-a Imam Khomeini Mosque-a Shia festival, Ashura urlawkna hmanga kalte hmaah Khameinei hi a inlan a, mipui pawhin an lo lawm hle.