Britain PM-in a hna thawh chhunzawm dawn
Britain prime minister Boris Johnson chu Covid-19 a kai avanga hun eng emaw chen enkawl a nih hnuah, vawiin aṭang a hna a thawk chhunzawm leh thei tawh dawn.
Johnson hi London-a St Thomas' Hospital-ah enkawl niin, ni thum chhung chu ICU-dah a ni. Hospital a chhuahsan hnuah prime minister country house, Chequers-ah kar khat chhung a inenkawl leh a ni.
Inrinni zan kha a cabinet-te hnenah vawiin aṭangin dan pangngaiin a hna a thawk chhunzawm thei dawn tih a hrilh a, vawiina Downing Street-a news conference neihnaah pawh a ho tawh dawn a ni.