Israel-ah ṭangrual sorkar duh lohna lantir

Israel prime minister Benjamin Netanyahu leh Blue and White party hotu Benny Gantz-ten thuneihna insem zai a, ṭangrual sorkar dinna tura inremna an siam chu mi tam takin duh lohin Inrinni khan lungawi lohna an lantir. 

Ṭangrual sorkar dinna tura inremna an siamah, an sorkar hun chanve chhung chu Benjamin Netanyahu hi prime minister a ni chhunzawm leh dawn a ni. 

Hetih lai hian Netanyahu hi thamna la leh a thuneihna dik lo taka hmanga puhna thubuai hmachhawn tur a ni a, hei vang hian ram hruaitu lu ber dinhmun a chelh chhunzawm leh tur hi mi tam takin an duh lo a ni. 

Israel ramah coronavirus leng vangin khuahkhirhna kalpui a ni a, Inrinnia Tel Aviv-a Rabin Square-a lungawi lohna lantirnaa telte pawh hian mask vuahin, social distancing dante ṭha takin an zawm tho a ni. 

Netanyahu chu eiruah puhin, thil tisual reng chunga an ram PM hna chelh chhunzawm tura an duh loh thu an sawi.