Interpol President atan China Vice Minister thlang

China Vice Minister for Public Security Meng Hongwei chu nimin khan International Criminal Police Organization (Interpol) President atan thlan a ni. China official zingah he dinhmun chelh theih hmasa ber a ni.

Interpol 85th General Assembly tawp ni, nimin khan Meng Hongwei hi thlan a ni a, Mireille Ballestrazzi hnen aṭangin charge hi la nghal a ni. Interpol President hian Executive Committee a ho a, General Assembly hian kum li term atan a thlang ṭhin.

Meng Hongwei chuan Interpol member ramte nen ṭha taka an thawhho zel tur thu sawiin, khawvel puma police-te thawhhona ṭha leh chak zawk an siam dawn a ni, a ti.

Interpol hi kum 1914-a din niin Lyon, France-ah headquarters a awm. United Nations tih lohah chuan khawvela international organization lian ber a ni a, member ram 190 an awm.