Inkhawm mi leh mingo-in Trump an duh zawk

US President thlannaah Republican party candidate, Donald Trump chuan tling tura rinkai zawk, Democratic party candidate Hillary Clinton-i a hneh a, khawvel mak tih a hlawh hle.

Sumdawng hlawhtling leh mi hausa tawntaw, Trump-a hian politics lamah hnuhma a la nei lo a, nikum June thlaa Republic party president candidate chuh a tum thu a puan aṭangin politics lam a luhchilh ve chauh a ni. Hetihlai hian Hillary Clinton-i hi President hlui Bill Clinton-a nupui a nih bakah, US Secretary of State pawh a ni tawh a, politics leh ram inrelbawlna kawngah tawnhriat a nei ṭha zawk hle.

Trump hian a campaign au hlaah America ram leh a ram mipuite, Kristian sakhua humhalh≠na tur a aupui nasa a, an ram himna leh mipuite dinhmun tiderthawng thei nia a ngaihte thenfai a tum dante chuan sawisel a hlawh hle a, hmeichhe chungchang ṭawngkam mawi lo taka a sawite chu a khingpuiin beihna atan pawh a hmang nasa hle.

America mipuite vote thlak, popular vote-ah Hillary Clinton-in hmu hnem zawk mah se, Trump hian electoral college member vote a hmuh hnem zawk avangin President atan a tling ta a ni. Popular vote-ah Clinton-i hian 58,798,978 (48%) a hmu a, Trump hian 59,594,262 (47%) a hmu. Clinton-in electoral vote 228 a hmuh laiin, Trump hian 279 a hmu a ni.

Exit Poll data :

Edison Research in exit poll hrang hrang a buatsaihna result aṭanga a lan danin Trump hi America rama mingo tam zawk leh Kristian inkhawm mi ten an vote nasa zawk a ni.

ρ America ramah hian mingo awm zat hi tlahniam chak hle mah se, a hnam lian ber an la ni a, Trump-a chak theihna pawh an ni. Mingo awm zinga 58% in Trump hi President atan an vot an a, 37% in Clinton-i an thlang thung.

ρ African-American zing≠ah Clinton-i a che ṭha hle thung a, mihang vote 88% a hmuh laiin Trump hian 8% chauh a hmu pha. President kalchhuak tur Barack Obama hian President term hnih a chuhah khan mihang vote hi 95% leh 93% a hmu pha a ni.

ρ Donald Trump-aín an rama pem lutte chung≠ah khauh taka chet lak a tum thu a sawi vang≠in dem rawn pawh a hlawh a, hei hian pemlutte vote thleng pawhin a nghawng thui hle. Clinton-iín Latino vote 65% zet a hui theih phah a ni.

ρ Hmeichhiaten Hillary Clinton-in an vote nasa zawk a, hmeichhe zinga 53% in Clinton-i an duh zawk laiin, Trump-a vote tu hi 43% an awm. Hmeichhe chungchanga
ṭawngkam mawi lo takin lo sawi mah se, khawvel rin aiin Trump hian hmeichhe vote a hmu hnem a ni. Hetih lai hian mipa zingah Trump duhtu hi an tam zawk thung.

ρ Kristian sakhaw zuitu, biak-ina inkhawm miten Trump an thlawp zawk. Kar khata vawi khata aia tam biak-in pan ṭhinte zing≠ah Trump hian vote 56% chuang a hmu a, Clinton-in 40% a hmu thung. Hetihlai hian inkhawm ngai miah lo zinga 62% zetin Clinton-i an duh zawk a, Trump duhtu hi 31% chauh an ni thung. Evangelical Kristian zing≠ah Trump a sang fal hle a, 81% vote a hmu pha.