Clinton-i’n Trump tana rilru inhawng turin ngen

US President thlannaa tling zo ta lo, Democratic Party candidate Hillary Clinton-i chuan a chak lo chu na a tih thu a sawi rualin, inthlan result chu a pawm thu a sawi a, amah thlawptute hnenah President atana thlan, Donald Trump-a tan rilru inhawng taka awm turin a ngen.

Hillary Clinton tana theihtawp chhuaha campaign tu, President Barack Obama pawhin Trump hi lawmpuina hlanin, a tlin hnua Trump-an America mipuite inlungrual leh pumkhata awm tura a sawmna chu a rilru a hneh hle tih sawiin, inpumkhatna a awm theihna tura a thawhnaah an thlawp zel dawn tih a sawi.