Nawaz Sharif manna thupek tichhuak

Pakistan anti-graft body, National Accoun­tability Bureau (NAB) chuan Pathianni khan an ram prime minister hlui Nawaz Sharif chu ram lei chungchanga eirukna kaihhnawihah manna tur thupek a tichhuak. 

NAB official chuan he thubuaiah hian Sharif hi hriattirna pawh pek ni tawhin, zawhna chhan turte pawh pek a ni tawh tih a sawi. Mahse Sharif hian zawhnate engmah a chhan loh avangin manna tur hi tihchhuah a ni ta a ni, a ti. 

PM hlui Al-Azizia Mills corruption case-ah thiam loh chantir a ni tawh a, Lahore-a Kot Lakpat jail-a kum sarih tang tura hrem a ni. Mahse nikum November thla khan Lahore High Court chuan a lung ṭha lo enkawl turin bail-a chhuah a phal a, London-ah in enkawl tura kalin a la awm a ni.