European tourism sector-in euro vbc 375 mamawh

Europe rama tourism organization, European Travel Commission (ETC) chuan Covid-19 avanga sum an hloh phuhruk theih nan, European tou­rism sec­tor-ah euro vai­belchhe 375 mamawh a nih thu an tarlang.

Covid-19 hri leng hi Europe ramte hian an tuar nasa hle a, sumdawnna thilah leh ei leh barahte a nghawng chho mek a ni. Hri vanga inkharkhip a nih avangin Europe-a tourism sector lamah sum hlohna a sang chho hle a, heng an sum hlohte phuhruk a nih theih nan hian ETC chuan euro vbc 375 mamawh a nih thu hi a tarlang zui ta a ni.

European Union (EU) chuan an member ramte chu Industry lamah euro vbc 255 a puih an ngaih thu a tarlang a, entrepreneur-te dinhmun pangngaia an awm leh theih nan euro vbc 120 mamawh a nih thu EU chuan a tarlang tih ETC Executive Director Eduar­do Santander chuan a sawi. 

Hri lengin harsatna a thlen avang hian Europe-ah mi maktaduai 10 chuangin hna an chan thu Santander chuan a sawi bawk.