Nawaz Sharif lung zai mai thei

Inenkawl tura Lon­don-a awm mek Pakistan prime minister hlui Nawaz Sharif chu tunkar hian a lung an zai mai thei tih Sharif-a premier`s personal physician Adnan Khan chuan a sawi. 

London-a Royal Bromp­ton Hospital-a cardiologist-te chuan Sharif hi a lung lam enchiana, zai a ngaih mai theih thu sawiin, tunkar hian zai a ngaih dawn leh dawn loh thu an tichiang ang. Sharif hi a tanna Jail aṭangin a hriselna ṭhat tawk loh avangin, damdawi-inah October 22 khan dahlut a ni a, kar riat chhung inenkawl tur hian hun pek a ni. Nikum November 19 khan Lon­don-a inenkhawl zui turin Pakistan-a chhuahsan a ni. 

Pakistan damdawi-ina enkawl a nih lai khan a 'platelet' hniam vangin a hahni leh a taksa hmun dang aṭangin thite a chhuak ṭhin a, London-a enkawl zui a nih hnu pawhin a 'platelet' hian ziaawm lam a pan hleih theih loh thu Adnan Khan chuan a sawi.