Iceland khawpui bulah tlang kang invawrh chhuak

Iceland khawpui, Reykjavik bula Reykjanes Peninsula hmuna Sundhnukur tlangah nimin khan tlang kang a in invawrh chhuak leh. Kum 2021 aṭanga vawi 12 tlang kang a thlenna a ni.

Iceland chhim thlang lama tlang kang vang hian a bulhnai khua, Grindavik leh spa resort, Blue Lagoon-a awmte chu sawn chhuah an ni. Tlang kang avanga lei sa tawlh chhuak hi metre 700 - 1,000 vel a thleng a,mahse infrastructure lam hnaihah an tawlh chhuak lo niin Icelandic Meteorological Office chuan a sawi.

Reykjanes biala tlang kang hian Reykjavik khawpui tan harsatna a thlen pha lo a, air traffic lam pawh a buai lo niin an sawi. Kum 2010-a Eyjafjallajokull tlang kang kha chuan mei leh vut khu chhuak nasain Europe hmar lam chu kar khat dawn a lo tibuai a ni.