Saudi Arabia 'Sleeping Prince' a thi

Saudi Arabia lal chhungkaw zinga mi, Prince Al Waleed bin Khaled bin Talal Al Saud, 'Sleeping Prince' tia hriat lar chu car-a a chetsual vanga kum 20 dawn nikhaw hre loa a awm hnuah July 19, Inrinni khan a thi.

Prince Al Waleed hi Prince Khaled bin Talal Al Saud fapa upa ber niin, UK-a military college-ah a zir laiin kum 2005 khan a car chesualah hliam na tak a tuar a, a thluak lam a khawih tel bakah internal bleeding a nei bawk. A chetsual lai hian kum 15 mi chauh a ni. Riyadh-a King Abdulaziz Medical City-a ventilator hmanga enkawl a ni a, kum 20 dawn chu khawl hmanga thawk tir a ni a, mahse a chetsual hnu hian US leh Spain-a doctor ṭha ber berte pawh ko mah se rawn harh ṭhat a nei tawh lo. Mahse a pa Prince Khaled bin Talal chuan beiseina a neih avangin khawl hmang hian kum tam tak nun tir a ni. Harh chhuak loa kum tam tak a mut avangin Prince Al Waleed hi 'Sleeping Prince' tia sawi a ni zui a, kum 20 dawn nikhaw hre loa a awm hnuah kum 36 mi niin a thi ta a ni.