Iran oil refinery lian berah kangmei a chhuak

Iran rama oil refinery upa leh lian ber, Abadan oil refinery-ah kangmei a chhuak a, mi pakhat a thi a, hliam tuar eng emaw zat an awm bawk.

Iran deputy parliament speaker, Ali Nikzad chuan thawktuten Inrinnia pump leak an siamṭhat laiin kangmei hi a chhuak tih Pathianni khan a sawi a, kangmei chhuak hi darkar hnih hnu velah an ṭhelhmit a ni.

Abadan oil refinery hi Iran chhim thlang lam, an ram khawpui Tehran aṭanga km 670 vela hlaa awm a ni. Kum 1912-a din niin, Iran rama oil refinery lian ber a ni a, nitin oil barrel 5,200,000 thlifimin, an ramin fuel a hman zinga 25% vel chu he hmun aṭang hian thlitfim a ni. Iran hi khawvela oil siam chhuaktu lian ber zinga mi a ni a, mahse khawthlang ramten hrekna an siam avangin a hralhchhuah theih chinah bithliah a awm a ni.