Brazil judge-in President hlui Bolsonaro a vau

Brazil Supreme Court-a judge, justice Alexandre de Moraes chuan an ram president hlui, Jair Bolsonaro chu online lama a thusawi an dah chhuah chu social media khapna siam bawhchhiaah puhin, manah a vau.

Jail Bolsonaro thusawi hi Thawhṭanni khan social media-ah dah a ni a, a darh chak hle. Bolsonaro hian ama account-ah a dah lo a, mahse a fapate leh a thawhpui dangten an dah chhuak a ni.

Justice Moreas chuan X, Instagram leh Facebook-a Bolsonaro thusawina video leh thlalak bakah text dah chhuahte chu sawi langin, President hlui hian digital platform-a dah chhuah turin a sawi a ni, a ti. Bolsonaro hi amah thlaktu, Luiz Inacio Lula da Silva paihthlak tuma puhna thubuai siamsak a ni a, a thubuai kaihhnawihah hian social media-ah thil a post khapsak a ni.