Ukraine-ah dan siam thar duh loin nawrh huaihawt

Ukraine president Volodymyr Zelensky-a'n National Anti-Corruption Bureau (Nabu) leh Specialised Anti-Corruption Prosecutor's Office (Sapo) thuneihna tih nepna tur bill siam chu apawm a, dan-a chantir a nih tak avangin ram chhung hmun hrang hrangah mipuiten lungawi lohna an lantir.

Parliament-ah bill pass a nih hnuin President Zelenskyy chu bill pawm lo tur hian nawr a ni a, mahse Thawhlehni khan pawmin a hming a ziah hnan a, law-ah chantir a ni. He dan siam thar hnuaiah hian Nabu leh Sapo prosecutor general thununna hnuaiah a awm dawn a ni. Zelenskyy chuan heng agency pahnihte hian hna an la thawk chhunzawm zel dawn a, mahse Russia-in a thununna laka veng turin dan hi siam thar a ngai tih a sawi. Thawhṭanni khan Nabu official pahnih chu Russia nena inzawmna neia nia puhin hren an ni a, agency hnuai a thawk dangte pawh chhui an ni bawk.

Parliament-a bill pass a nih hnu hian khawpui hrang hrangah sorkar laka lungawi lohna hi lantir a ni a, kum 2022 February thlaa Russia-in an ram a run hnua nawrh huaihawtna lian ber a ni.