Trump-an US president thlan hun sawn tum lo
United States (US) president Donald Trump chuan kumin November 3-a US president thlan hun tur chu hri leng vangin sawn tumna a awm lo tih a sawi.
Democratic president candidate tura beiseiawm ber, Joe Biden chuan kar liam ta khan Trump hian inthlan hun sawn tumna a nei niin a lo puh a, chhuanlam eng emaw tak siamin President thlan hun tura ruatah inthlan neih a nih theih loh dan a ngaihtuah niin a sawi.
Biden thusawi hi chhangin, President Trump chuan White House-a news conference a neihah inthlan hun sawn tumna rilru a neih loh thu leh, engvanga hetiang ti tura an ngaih chhan a zawt let a ni.