US Vice-President tur Mike Pence

US President thlanna neih zawh takah Republican Party candidate, Donald Trump chu thlan tlin a ni a, nakkum January 20-a President 45-na atana lakluh a nih rualin, a vice president nominee, Indiana Governor Mike Pence pawh US Vice President atan lak luh a ni ve nghal ang.

Vice President-elect Mike Pence hi kum 57 mi a ni a, a nupui Karen nen fa pathum an nei. Kristian ṭha tak, Kristian piangthar inti ngat a ni a, nau tihtlak phalna dan leh anpui inneihna dan dodaltu a ni. Kum 2000 aṭang khan Congress member atan thlan niin, kum 2013-ah Indiana Governor-ah thlan a ni a, hemi hma hian Righ-wing radio host a ni ṭhin.

Politics lamah tawnhriat a nei ṭha a, hei vang hian sorkar inrelbawlna kawnga Trump-a tha tichaktu leh innghahna pawimawh tak a nih chhoh beisei a ni.

Mike Pence hi Irish Ca≠tholic chhungkuaa seilian a ni a, College a kal laiin Isua hnenah a nun a hlan thu a sawi. Kum 1990 chho aṭang khan Grace Evanglical Church-ah an lawi.

Israel thlawptu ruh tak a ni a, a sakhaw zui avangin Israel ram chu a thlawp lo thei lo tih a sawi fo ṭhin. Nikum December thla khan Republican Jewish Coalition conference-ah thu a sawi a, ìIsrael hmelmate chu kan hmelmate an ni a, Israel buaina chu kan buaina a ni. Hei hi khawvelin a la hre lo a nih chuan lo hre tawh rawh se, America hi Israel tan a ding zel dawnî a ti.

Nikum vek khan Pence hian Indiana state-a ëReligious Freedom Restoration Actí siam chu thlawpin, he dan hnuaiah hian sumdawng leh mimal tu pawh, an sakhaw zui inan loh vanga midangten sumdawnna an tihpui duh lo a nih pawhin, hrem theih an ni lo. Pence chuan, ìSakhaw zalenna tinep zawnga bill siam chu ka thlawp dawn lo a, an sakhaw zui avangin tihnat leh hrem hlauhna rilru an neih ka remti loî a ti. Mahse he bill hi sumdawng lian, pawl hrang hrang leh mi larten nasa taka dodal a, Indiana state boycott hial an tum avangin a hnu reiloteah siamṭhat leh a ni.